Neo Techvision

මහමෙව්නාව බෞද්ධ විද්‍යාලය විසින් සංවිධානය කරන ලද Neo Tech Vision Empowering Future Mind – 2021 විද්‍යා හා තාක්ෂණික ප්‍රදර්ශනය 2021 අගෝස්තු මස 28, 29 හා 30 යන තෙදින තුළ මාර්ගගත ක්‍රමයට Zoom යෙදවුම ඔස්සේ පවත්වන ලදී. ප්‍රදර්ශනය විවෘත කරන ලද්දේ ගරු අධ්‍යාපන ලේකම් මාහාචාර්ය කපිල සී.කේ පෙරේරා මහතා විසිනි. දිනපතා විවිධ නිලධාරීන්, වෘත්තිකයන් සම්බන්ධ වෙමින් වරකට පැය දෙකක් ලෙස දින තුනක් පුරාවට සැසි 06 ක් පවත්වන ලද අතර බොහෝ පාසල් සිසුන් ප්‍රදර්ශනය නරඹන ලදී. ප්‍රදර්ශනය කුටි 21 ක් ප්‍රදර්ශනාංග 160 කට ආසන්න ප්‍රමාණයක් පැවැති අතර ශ්‍රද්ධා ටීවී, ලක්විරු ගුවන් විදුලිය, ටීවී දෙරණ හා ජාතික රූපවාහිනිය මාධ්‍ය අනුග්‍රහය ලබාදෙන ලදී.

ප්‍රදර්ශනයේ ප්‍රධාන අරමුණු :

ස්වයං සැලසුම් කළ ආකෘති හෝ සරල උපකරණ තුළින් සිසුන්ට ගවේෂණාත්මක අත්දැකීමක්‌ ලබා දීම සහ නිර්මාණාත්මක චින්තනය දිරිමත් කිරීම.
ගැටලූ විසඳීමේ ප්‍රවේශය දිරිමත් කිරීම සහ එදිනෙදා ජීවිතයේ දී විද්‍යාත්මක අදහස් භාවිතය
සමාජයේ අවශ්‍යතා සපුරාලීම සඳහා විද්‍යාවේ හා තාක්‍ෂණයේ කාර්යභාරය පිළිබඳ අවබෝධයක් ඇති කර ගැනීම
සිසුන්ගේ විද්‍යාත්මක හා තාක්‍ෂණික නිර්මාණාත්මක හැකියාවන් දිරිමත් කිරීම
සිසුන් අතර විද්‍යාව හා තාක්‍ෂණය කෙරෙහි ඇති උනන්දුව ප්‍රවර්ධනය කිරීම

ඉහත අරමුණු ඉටු කර ගැනීම සඳහා පහත සඳහන් තේමාවන් යටතේවිද්‍යා ප්‍රදර්ශනය සංවිධානය කරන ලදී.